ଭାରତ ଟୁର୍ ପାଇଁ ୱେଷ୍ଟଇଣ୍ଡିଜ୍ କ୍ରିକେଟ୍ ଦଳ ଘୋଷିତ ହୋଇଛି। ଭାରତ ଗସ୍ତରେ ୱେଷ୍ଟଇଣ୍ଡିଜ୍ ଟିମ୍ ତିନୋଟି ଟି-ଟ୍ୱେଣ୍ଟି ଓ ତିନୋଟି ଦିନିକିଆ ମ୍ୟାଚ୍ ଖେଳିବ। ଏହି ଦୁଇଟ୍ ଫର୍ମାଟର୍ ସିରିଜ ପାଇଁ ୱେଷ୍ଟଇଣ୍ଡିଜ୍ ଦଳର ଅଧିନାୟକ ଭାବେ ବିସ୍ଫୋରକ ବ୍ୟାଟ୍ସମ୍ୟାନ କିରନ ପୋଲାର୍ଡଙ୍କୁ ଦାୟିତ୍ୱ ମିଳିଛି। ହେଲେ ସବୁଠୁ ଆଶ୍ଚର୍ଯ୍ୟ କରିଛି ୱେଷ୍ଟଇଣ୍ଡିଜର ସବୁଠୁ ବିଧ୍ୱଂସକାରୀ ବ୍ୟାଟ୍ସମ୍ୟାନ ରସେଲ ଓ ଅଲରାଉଣ୍ଡର ବ୍ରାଭୋଙ୍କୁ ଦଳରେ ସ୍ଥାନ ମିଳିନାହିଁ। ଏହାସହ କ୍ରିସ୍ ଗେଲ ମଧ୍ୟ ଏହି ସିରିଜରେ ସାମିଲ ନ ହେବେ ବୋଲି ପୂର୍ବରୁ ନିଜ ତରଫରୁ ମନା କରିଦେଇଥିଲେ।
ୱେଷ୍ଟଇଣ୍ଡିଜ୍ ବିପକ୍ଷରେ ଭାରତ ପ୍ରଥମେ 3ଟି ଟି-ଟ୍ୱେଣ୍ଟି ଓ ପରେ ଦିନିକିଆ ସିରଜ ଖେଳିବ। ଦିନିକିଆ ସରିଜର ଶେଷ ମ୍ୟାଚ୍ ଡିସେମ୍ବର 22 ତାରିଖରେ କଟକ ବାରବାଟୀରେ ହେବାକୁ ଯାଉଛି। ଯେଉଁମ୍ୟାଚ ଦେଖିବାକୁ ଓଡ଼ିଆ ଦର୍ଶକ ଦୀର୍ଘ ଦିନ ଧରି ଅନାଇ ବସିଛନ୍ତି। ହେଲେ ଏହି ମ୍ୟାଚରେ ଗେଲ୍, ରସେଲ ଓ ବ୍ରାଭୋଙ୍କୁ ଦେଖିବାକୁ ମିଳିବନି। ଯାହା ଏବେ ଓଡ଼ିଶା ଦର୍ଶକଙ୍କୁ ସାମନ୍ୟ ନିରାଶ କରିଛି। ଅନେକ କ୍ରିକେଟ୍ ପ୍ରେମୀ ଗେଲ୍ ଓ ରସେଲଙ୍କୁ ଅତି ନକଟରୁ ଦେଖିବାକୁ ଇଚ୍ଛା ପ୍ରକାଶ କରିଥିଲେ, ଯାହା ହୁଏତ ଏହି ସରିଜରେ ସମ୍ଭବ ହୋଇ ପାରିବ ନାହିଁ।
