ରାସ୍ତାରେ ପଡିଛି ଟଙ୍କା। ଟଙ୍କା ଗୋଟାଇ ନେଉଛନ୍ତି ରାସ୍ତାରେ ଯାଉଥିବା ଲୋକେ । ଏପରି ଘଟଣା ଦେଖିବାକୁ ମିଳିଛି ଅଟଲାଣ୍ଟାର ହାଇୱେରେ । ଅଟଲାଣ୍ଟାର ଏସଫୋର୍ଡ ଡନବୁଡି ରୋଡରେ କୌଣସି କାରଣ ବସତଃ ଟଙ୍କା ଭର୍ତ୍ତି ଟ୍ରକଟି ଦୁର୍ଘଟଣା ହୋଇଥିଲା। ଟ୍ରକରୁ ଟଙ୍କା ପଡିଯାଇ ରାସ୍ତା ସାରା ଉଡିବାରେ ଲାଗିଥିଲା । ଫଳରେ ରାସ୍ତାରେ ଯାଉଥିବା ଲୋକେ ଗାଡି ଅଟକାଇ ଟଙ୍କା ଗୋଟାଇବାରେ ଲାଗିଥିଲେ । ରାସ୍ତା ସାରା ପ୍ରାୟ ୧ ଲକ୍ଷ ୭୫ ହଜାର ଡଲାର ଟଙ୍କା ଉଡୁଥିଲା । ସମସ୍ତ ଟଙ୍କାକୁ ଲୋକେ ଲୁଟି ନେଇଥିଲେ । ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚିବାବେଳକୁ ଲୋକେ ପୋଲିସକୁ ଦେଖି ରାସ୍ତାରୁ ଟଙ୍କା ନେଇ ଫେରାର ହୋଇଯାଇଥିଲେ ।
ଅନ୍ୟପଟେ ଏପରି ଟଙ୍କା ଲୁଟିନେବା ଆଇନ ଅନୁସାରେ ଅପରାଧ ସହ ଚୋରି ସହ ସମାନ ବୋଲି ପୋଲିସ ପୋଷ୍ଟ କରିବା ସହ ସମସ୍ତ ଟଙ୍କା ଫେରାଇ ଦେବାକୁ ନିର୍ଦ୍ଦେଶ ଦେଇଥିଲା । ପୋଲିସର ପୋଷ୍ଟ ପରେ କିଛି ଲୋକ ପୋଲିସ ଷ୍ଟେସନ ଆସି ଟଙ୍କା ଫେରାଇଛନ୍ତି । ଡନବୁଡି ପୋଲିସ ଡିପାର୍ଟମେଣ୍ଟ ତରଫରୁ ସେମାନଙ୍କୁ ଧନ୍ୟବାଦ ଦିଆଯିବା ସହ ତାଙ୍କ ଫଟୋ ପୋଷ୍ଟ କରି ଭରପୂର ପ୍ରଶଂସା କରାଯାଇଛି ।