ଓଡ଼ିଶା କ୍ରିକେଟ ଆସୋସିଏସନର ସମ୍ପାଦକ ଭାବେ ସଞ୍ଜୟ ବେହେରା ନିର୍ବାଚିତ ହୋଇଛନ୍ତି। ଶୁକ୍ରବାର ବାରବାଟୀ ଷ୍ଟାଡିୟମର ଓସିଏ ସମ୍ମିଳନୀ କକ୍ଷରେ ବହୁ ପ୍ରତୀକ୍ଷିତ ଓଡ଼ିଶା କ୍ରିକେଟ ଆସୋସିଏସନର ନିର୍ବାଚନ ଅନୁଷ୍ଟିତ ହୋଇଯାଇଛି। ଯେଉଁଥିରେ ପୂର୍ବତନ ସମ୍ପାଦକ ଆଶୀର୍ବାଦ ବେହେରାଙ୍କ ପୁଅ ସଞ୍ଜୟ ବେହେରାଙ୍କୁ ୭୩ ଭୋଟରୁ ୪୫ ଭୋଟ ମିଳିଥିଲା। ନିର୍ବାଚନରେ ସଭାପତି ଭାବେ ବୈାଦ୍ଧ ଜିଲାର ପଙ୍କଜ ଲୋଚନ ମହାନ୍ତି ନିର୍ବାଚିତ ହୋଇଛନ୍ତି। ସମ୍ପାଦକ ହୋଇଥିବା ସଞ୍ଜୟ ବେହେରାଙ୍କ ପ୍ରତିନ୍ଦ୍ୱନ୍ଦୀ ନବ ପଟ୍ଟନାୟକଙ୍କୁ ୨୫ ଭୋଟ ମିଳିଥିଲା। ସେହିଭଳି ଉପସଭାପତି ଭାବେ ଅନୁଗୋଳ ଜିଲା ପ୍ରତିନିଧି ଅକ୍ଷୟ କୁମାର ସାମନ୍ତ, ଯୁଗ୍ମ ସମ୍ପାଦକ ଭାବେ ମେହତାବ ଖାନ, କୋଷାଧ୍ୟକ୍ଷ ଭାବେ ଖୋର୍ଦ୍ଧା ଜିଲାର ପ୍ରତିନିଧି ବିକାଶ ପ୍ରଧାନ ଜିତିଥିବା ଜଣାପଡ଼ିଛି। ଓସିଏର ମୋଟ ୬ଟି ପଦବୀ ନିମନ୍ତେ ନିର୍ବାଚନ ହେବାକୁ ସ୍ଥିର ହୋଇଥିଲା। ତେବେ ଗୋଟିଏ ପଦବୀ ର୍ନିଦ୍ୱନ୍ଦରେ ପୂରଣ ହୋଇଥିବା ବେଳେ ୫ ପଦବୀରେ ୧୦ ପ୍ରାର୍ଥୀ ମୁହାଁମୁହିଁ ହୋଇଥିଲେ।