ଦୀର୍ଘ ଦିନର ଅପେକ୍ଷାର ଅନ୍ତ ଘଟିଛି । ଶେଷରେ ବହୁ ପ୍ରତିକ୍ଷିତ ପାଟକୁରା ବିଧାନସଭା ଆସନ ପାଇଁ ନିର୍ବାଚନ ତାରିଖ ଘୋଷଣା ହୋଇଛି। ଜୁଲାଇ ୨୦ରେ ନିର୍ବାଚନ, ୨୪ରେ ଭୋଟ୍ ଗଣତି ହେବ। ଏନେଇ ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ସୂଚନାଯୋଗ୍ୟ, ସାଧାରଣ ନିର୍ବାଚନ ପାଇଁ ବିଜେଡି ପାଟକୁରା ନିର୍ବାଚନ ମଣ୍ଡଳୀ ପାଇଁ ବେଦପ୍ରକାଶ ଅଗ୍ରଓ୍ବାଲଙ୍କୁ ପ୍ରାର୍ଥୀ କରିଥିଲା କିନ୍ତୁ ତାଙ୍କର ଦେହାନ୍ତ ହୋଇଯିବାରୁ ଏହି ନିର୍ବାଚନ ସ୍ଥଗିତ କରାଯାଇଥିଲା ଏହା ପରେ ମେ’୧୯ ତାରିଖରେ ପାଟକୁରା ନିର୍ବାଚନ ହେବାର ଥିଲା। ତେବେ ବାତ୍ୟା ଫୋନି ଯୋଗୁଁ ଦ୍ୱିତୀୟ ଥର ନିର୍ବାଚନ ଘୁଞ୍ଚା ଯାଇଥିଲା। ବର୍ତ୍ତମାନ ନିର୍ବାଚନ ପାଇଁ ବିଜେଡି ବେଦପ୍ରକାଶ ଅଗ୍ରଓ୍ୱାଲଙ୍କ ପତ୍ନୀ ସାବିତ୍ରୀ ଅଗ୍ରଓ୍ୱାଲଙ୍କ ନାମ ଘୋଷଣା କରିଛି । ଅନ୍ୟପକ୍ଷରେ ବିଜେପି ବିଜୟ ମହାପାତ୍ରଙ୍କୁ ପ୍ରାର୍ଥୀ କରିଛି