ପରାଜୟ ପରେ ଟିମ୍ ଇଣ୍ଡିଆ କ୍ୟାପଟେନ୍ ବିରାଟ୍ କୋହଲି ଭାରତର ବୋଲର ମାନଙ୍କୁ ପ୍ରଶଂସା କରିବାକୁ ଭୁଲିନାହାଁନ୍ତି। ବୋଲର ମାନେ ସେମାନଙ୍କ କାମ କରିଥିବା ବେଳେ ବ୍ୟାଟ୍ସମ୍ୟାନ ମାନେ କିନ୍ତୁ ନିରାଶ କରିଥିବା କୋହଲି କହିଛନ୍ତି। କୋହଲି ଆହୁରି କହିଛନ୍ତି, ଟୁର୍ଣ୍ଣାମେଣ୍ଟରେ ଆମେ ଯେଉଁଭଳି ପ୍ରଦର୍ଶନ କରିଛୁ, ତାହା ପ୍ରଶଂସାଯୋଗ୍ୟ। ଏହାସହ ଆଜିର ମ୍ୟାଚରେ ଧୋନୀଙ୍କ ରନ ଆଉଟ୍ ମ୍ୟାଚର ମୋଡ ବଦଳାଇ ଦେଇଥିବା କୋହଲି କହିଛନ୍ତି। ସେପଟେ ଜାଡେଜାଙ୍କ ପ୍ରଦର୍ଶନକୁ ନେଇ ସେ ପ୍ରଶଂସା କରିଥିଲ । ଆଜିର ମ୍ୟାଚରେ ହାରିବାର ମୁଖ୍ୟକାରଣ ବ୍ୟାଟ୍ସମ୍ୟାନ ମାନଙ୍କ ଦାୟିତ୍ୱହୀନ ଇନିଂସ ବୋଲି କୋହଲି କହିଛନ୍ତି।
ଭାରତ ଇଂନିସର ପ୍ରଥମ ୪୫ ମିନିଟ ଥିଲା ସବୁଠୁ ଗୁରୁତ୍ୱପୂର୍ଣ୍ଣ। ହେଲେ ଏହି ସମୟରେ ଭାରତ ୪ଜଣ ବ୍ୟାଟ୍ସମ୍ୟାନକୁ ହରାଇ ଅଡୁଆରେ ପଡିଥିଲ।। ବିଶ୍ୱକପରେ ଭାରତ ଖେଳିଥିବା ସମସ୍ତ ମ୍ୟାଚରେ ଏକ’ରୁ ୩ ନମ୍ବର ଭିତରେ କେହି ଜଣେ ବ୍ୟାଟ୍ସମ୍ୟାନ ବଡ ଇନିଂସ ଖେଳିଥିବାର ନଜର ରହିଛିା ହେଲେ ଆଜି ସେଭଳି କିଛି ହେଲାନାହିଁ । ଫଳରେ ମ୍ୟାଚ ହାରିବା ସହ ବିଶ୍ୱକପ ହାତେଇବା ସ୍ୱପ୍ନ ଚୁରମାର ହୋଇଗଲ।।
ସେପଟେ ଆଜିର ମ୍ୟାଚରେ ନ୍ୟୁଜିଲାଣ୍ଡ ଠାରୁ ଭାରତର ପରାଜୟ ପରେ ପାକିସ୍ତାନ ସବୁଠୁ ଅଧିକ ଖୁସିି। ଭାରତର ପରାଜୟ ପରେ ପାକିସ୍ତାନରେ ଖୁସିର ଲହରୀ । ଏମିତିକି ପାକିସ୍ତାନ ସରକାରର ମନ୍ତ୍ରୀ ଚୌଧୁରୀ ଫବାଦ ହୁସେନ ଟ୍ୱିଟ୍ କରି କହିଛନ୍ତି, ଆମର ସମର୍ଥନ ଓ ଭଲପାଇବା ନ୍ୟୁଜିଲାଣ୍ଡ ସହ ରହିଛି । ଆପଣଙ୍କୁ ଜଣାଇଦେବାକୁ ଚାହୁଁଛୁ , ଭାରତ ଲିଗରେ ସମସ୍ତ ମ୍ୟାଚ ଜିତିଥିବା ବେଳେ ଇଂଲଣ୍ଡ ଠାରୁ ହାରିଥିଲା । ଫଳରେ ପାକିସ୍ତାନ ସେମି ଆଶା ଆଶାରେ ରହିଯାଇଥିଲ।। ପାକିସ୍ତାନ ସେମି ନ ଯିବା ପାଇଁ ଭାରତ ଜାଣିଶୁଣି ହାରିଥିବା ପାକିସ୍ତାନ ଅଭିଯୋଗ କରିଆସୁଥିଲ।।
