୨୭ରୁ କଳିଙ୍ଗ ଷ୍ଟାଡିୟମରେ ଘରୋଇ ମ୍ୟାଚ୍ ଖେଳିବାକୁ ଯାଉଛି ଓଡ଼ିଶା ଏଫସି। ଇଣ୍ଡିଆନ୍ ସୁପର୍ ଲିଗର ଷଷ୍ଠ ସଂସ୍କରଣର ପ୍ରଥମ ତିନୋଟି ଘରୋଇ ମ୍ୟାଚ୍ ପୁଣେରେ ଖେଳିବା ପରେ ଓଡ଼ିଶା ଏଫସି ଆସନ୍ତା ୨୭ ତାରିଖରୁ ଘରୋଇ ମ୍ୟାଚ୍ କଳିଙ୍ଗ ଷ୍ଟାଡିୟମରେ ଖେଳିବ। ୨୭ରେ ଭୁବନେଶ୍ୱରରେ ଓଡ଼ିଶା ଏଫସି ତା’ର ପ୍ରଥମ ମ୍ୟାଚ୍ ଜାମଶେଦପୁର ଏଫସି ବିପକ୍ଷରେ ଖେଳିବ। ଫିଫା ଅଣ୍ଡର୍-୧୭ ମହିଳା ବିଶ୍ୱକପ୍ ୨୦୨୦ ପାଇଁ କଳିଙ୍ଗ ଷ୍ଟାଡିୟମର ନବୀକରଣ କାମ ପୂରଣ ହେବାରେ ବିଳମ୍ବା କାରଣରୁ ଭୁବନେଶ୍ୱରରେ ଆଇଏସଏଲ୍ କ୍ଲବକୁ ତା’ର ପ୍ରଥମ ତିନୋଟି ମ୍ୟାଚ୍ ପୁଣେରେ ଖେଳିବାକୁ ପଡ଼ିଥିଲା। ଏହି ତିନୋଟି ମ୍ୟାଚରେ ଓଡ଼ିଶା ଏଫସି ଯଥାକ୍ରମେ ଏଟିକେ ବିପକ୍ଷରେ ଡ୍ର’, ବେଙ୍ଗାଲୁରୁଠାରୁ ପରାଜୟ ଏବଂ ହାଇଦ୍ରାବାଦ ଏଫସି ବିପକ୍ଷରେ ବିଜୟ ହାସଲ କରିଥିଲା।
