ଦାୟିତ୍ୱ ଗ୍ରହଣ କଲେ ନୂଆ ପୋଲିସ ଡିଜି। କଟକ ପୋଲିସ ମୁଖ୍ୟାଳୟ ଠାରେ ୧୯୮୬ ବ୍ୟାଚର ବରିଷ୍ଠ ଆଇପିଏସ ଅଭୟ ଆନୁଷ୍ଠାନିକ ଭାବେ ଦାୟିତ୍ୱ ଗ୍ରହଣ କରିଛନ୍ତି। ଅନ୍ତରୀଣ ଡିଜିପି ସତ୍ୟଜିତ୍ ମହାନ୍ତି ତାଙ୍କୁ ଦାୟିତ୍ୱ ହସ୍ତାନ୍ତର କରିଛନ୍ତି। ପୋଲିସ ମୁଖ୍ୟାଳୟରେ ଅଭୟଙ୍କୁ ପ୍ରଥମେ ଗାର୍ଡ ଅଫ୍ ଅନର ଦିଆଯାଇଥିଲା। ଦାୟିତ୍ୱ ଗ୍ରହଣ ପରେ ସେ ବିଭିନ୍ନ ଦିଗ ଉପରେ ଫୋକସ କରିବାକୁ କହିଛନ୍ତି। ‘ମୋ ସରକାର’ କାର୍ଯ୍ୟକ୍ରମକୁ ଅଧିକ କ୍ରିୟାଶୀଳ କରାଯିବ । 5T ଆଧାରରେ ପୋଲିସ ବ୍ୟବସ୍ଥାରେ ସ୍ୱଚ୍ଛତା, ଅଭିଯୋଗକାରୀଙ୍କୁ ପ୍ରାଥମିକତା ଦେଇଛନ୍ତି ନୂଆ ପୋଲିସ ଡିଜି ଅଭୟ । ଦିନକୁ ଦିନ ବଢ଼ି ଚାଲିଥିବା ନାରୀ ନିର୍ଯାତନା ଉପରେ ଡିଜିପି ଫୋକସ୍ କରିଛନ୍ତି। ନାରୀଙ୍କୁ ସୁରକ୍ଷା ସହ ଶସକ୍ତକରଣ ଉପରେ ପଦକ୍ଷେପ ନିଆଯିବ ବୋଲି କହିଛନ୍ତି। ରାଜ୍ୟରେ ମାଓବାଦ ସମସ୍ୟା ଉପରେ ଧ୍ୟାନ ଦିଆଯିବ। ମାଓବାଦର ମୂଳ ଉତ୍ପାଟନ ଲାଗି ପଦକ୍ଷେପ ନିଆଯିବ ବୋଲି ସେ କହିଛନ୍ତି।ମାଫିଆଙ୍କ ରାଜ ଲୋପ ପାଇବ। ମାଫିଆ ଦମନ ଅଭିଯାନ ଆରମ୍ଭ କରାଯିବ। ରାଜ୍ୟ ପୋଲିସର ତଦନ୍ତ ପ୍ରଣାଳୀକୁ ଆହୁରି ଉନ୍ନତ କରିବାକୁ ବିଭିନ୍ନ ପଦକ୍ଷେପ ନିଆଯିବ।
