ରାଜ୍ୟରେ କରୋନା ସ୍ଥିତି ଦିନକୁ ଦିନ ଭୟଙ୍କର ହେବାରେ ଲାଗିଛି। ଏହାରି ଭିତରେ ଆଜି ରାଜ୍ୟରେ ୫୯୧ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ସଂଗରୋଧ କେନ୍ଦ୍ରରୁ ୩୯୪ ଜଣ ଥିବା ବେଳେ ୧୯୭ଟି ଲୋକାଲ କେସ୍ ରହିଛି। ସେହିପରି ୩ ଜଣ ମୃତ୍ୟୁ ହୋଇଥିବା ବେଳେ ମୃତ୍ୟୁ ସଂଖ୍ୟା ୮୬ରେ ପହଚିଂଛି। ମୃତକଙ୍କ ମଧ୍ୟରେ ଅଛନ୍ତି ଗଂଜାମରୁ ୨ଜଣ ଓ ଗଜପତିରୁ ଜଣେ । ଆଜି ୫୯୧ ନୂଆ ଆକ୍ରାନ୍ତଙ୍କ ମଧ୍ୟରୁ ଗଂଜାମରୁ ସର୍ବାଧିକ ୧୮୨ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି ଖୋର୍ଦ୍ଧାରୁ ୧୨୧ ଜଣ, ମୟୁରଭଂଜରୁ ୨୨ ଜଣ, ନବରଙ୍ଗପୁରରୁ ୨୨ ଜଣ, କଟକରୁ ୩୮ ଜଣ, ସମ୍ବଲପୁରରୁ ୨୦, ସୁନ୍ଦରଗଡରୁ ୧୮, ବରଗଡରୁ ୩୫, ବାଲେଶ୍ୱରରୁ ୧୩ ଜଣ,ଯାଜପୁରରୁ ୧୯ ଆକ୍ରାନ୍ତ ଚିହ୍ନଟ ହୋଇଛନ୍ତି । ମୋଟ ଆକ୍ରାନ୍ତଙ୍କ ସଂଖ୍ୟା ରାଜ୍ୟରେ ୧୬ ହଜାର ୭୦୧ରେ ପହଚିଂଛି । ଏବେ ରାଜ୍ୟରେ ମୋଟ୍ ୧୧, ୩୩୦ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ସକ୍ରିୟ କରୋନା ସଂକ୍ରମିତଙ୍କ ସଂଖ୍ୟା ୫୨୫୯ ରହିଛି।