ଆଜି ଠାରୁ ନନ୍ଦନକାନନ ବନ୍ଦ। ଦୀର୍ଘ ୫ ଦିନ ବନ୍ଦ ରହିବ ନନ୍ଦନକାନନ। ନୂଆ ବର୍ଷରେ ନନ୍ଦନକାନନରେ ସାଧାରଣତଃ ବହୁତ ଭିଡ଼ ହୋଇଥାଏ, ନୂଆ ବର୍ଷରେ ପର୍ଯ୍ୟଟକଙ୍କ ଭିଡ ଜମୁଥିବାରୁ ୩ ତାରିଖ ପର୍ଯ୍ୟନ୍ତ ପ୍ରାଣୀ ଉଦ୍ୟାନ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି। କରୋନା ସଂକ୍ରମଣ ଏଡାଇବାକୁ ଏଭଳି ପଦକ୍ଷେପ ନିଆଯାଇଥିବା କୁହାଯାଇଛି। ଏହାସହ ପୁଣି ଓମିକ୍ରନ୍ ସଂକ୍ରମଣର ଭୟ ରହିଛି। ଏହାକୁ ଦୃଷ୍ଟିରେ ରଖି ପର୍ଯ୍ୟଟକଙ୍କ ପାଇଁ ନନ୍ଦନକାନନକୁ ୫ ଦିନ ପାଇଁ ବନ୍ଦ ରଖାଯାଇଛି।୨ ତାରିଖ ପର୍ଯ୍ୟନ୍ତ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଥିବା ବେଳେ ୩ ତାରିଖ ସୋମବାର ଛୁଟି ପଡ଼ୁଥିବାରୁ ସେଦିନ ମଧ୍ୟ ନନ୍ଦନକାନନ ବନ୍ଦ ରହିବ। ଆସନ୍ତା ମଙ୍ଗଳବାର ନନ୍ଦନକାନନ ପୁଣିଥରେ ଖୋଲିବ। ସେପଟେ ନନ୍ଦନକାନନ ବନ୍ଦ ନିଷ୍ପତ୍ତି ପରେ ପର୍ଯ୍ୟଟକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ସାଧାରଣତ ନୂଆ ବର୍ଷରେ ଦୂରଦୂରାନ୍ତରୁ ହଜାର ହଜାର ପର୍ଯ୍ୟଟକ ନନ୍ଦନକାନନ ଆସିଥାନ୍ତି। ଏମିତିକି ରାଜ୍ୟ ବାହାରୁ ମଧ୍ୟ ଅନେକ ପର୍ଯ୍ୟଟକ ଆସିଥାନ୍ତି। ତେବେ ନନ୍ଦନକାନନ ବନ୍ଦ ରହିବାରୁ ପର୍ଯ୍ୟଟକ ମାନେ ନିରାଶ ହୋଇ ଫେରୁଛନ୍ତି।