ଆଜି ରାତି 8ଟାରେ ଦେଶ ପାଇଁ କିଛି ବଡ଼ ଘୋଷଣା କରିପାରନ୍ତି ପ୍ରଧାନମନ୍ତ୍ରୀ ମୋଦି। ଭାରତରେ କରୋନା ଭାଇରସକୁ ନେଇ ମୋଦି ଆଜି ଦେଶକୁ ସମ୍ବୋଧିକ କରିବାକୁ ଯାଉଛନ୍ତି। ଶୁଣିବାକୁ ମିଳୁଛି ପ୍ରଧାନମନ୍ତ୍ରୀ ସାରା ଦେଶରେ କରୋନାର ସ୍ଥିତିକୁ ନେଇ ମନ୍ତବ୍ୟ ରଖିପାରନ୍ତି। ଏହି ଅବସରରେ କିଛି ବଡ଼ ଘୋଷଣା କରିପାରନ୍ତି ମୋଦି। ଭାଇରସ ଚେନକୁ ଭାଙ୍ଗିବା ପାଇଁ ମୋଦି କିଛି ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଦେଇପାରନ୍ତି। ଏହାସହ କୋରନା ଭାଇରସର ଭୟାଭୟତା ଉପରେ ମୋଦି ଲୋକଙ୍କୁ ସଚେତନା ଓ ସାବଧାନ ହେବାକୁ ଅପିଲ କରିପାରନ୍ତି। କରୋନା ରୋଗୀଙ୍କ ସଂଖ୍ୟା ଭାରତରେ ହୁହୁ ହୋଇ ବଢି ଚାଲିଛି। ଭାରତରେ କରୋନା ସ୍ଥିତି ଧୀରେ ଧୀରେ ସାଂଘାତିକ ହେବାରେ ଲାଗିଛି। ଏହାରି ଭିତରେ ଭାରତରେ କରୋନା ରୋଗୀଙ୍କ ସଂଖ୍ୟା ୫୧୧ ଛୁଇଁ ସାରିଲାଣି। ଭାରତରେ ମୃତ୍ୟୁ ସଂଖ୍ୟା ମଧ୍ୟ ଧୀରେ ଧୀରେ ବଢ଼ୁଛି। ଏପର୍ଯ୍ୟନ୍ତ ଭାରତରେ କୋରନାରେ ୧୦ ଜଣ ଲୋକ ଆଖି ବୁଜିସାରିଲେଣି। ଏହାକୁ ଦୃଷ୍ଟିରେ ରଖି ଭାରତରେ ୫୪୮ ଜିଲ୍ଲାରେ ଲକଡାଉନ୍ କରାଯାଇଥିବା ବେଳେ ଚାରୋଟି ରାଜ୍ୟରେ କର୍ଫ୍ୟୁ ଲଗାଇଦିଆଯାଇଛି। ପଂଜାବ, ମହାରାଷ୍ଟ୍ର, ମଧ୍ୟ ପ୍ରଦେଶ ଓ ପଣ୍ଡିଚେରୀରେ କର୍ଫ୍ୟୁ ଲଗାଇ ଦିଆଯାଇଛି।