ସବୁ ଅପେକ୍ଷାର ଅନ୍ତ ଘଟିବାକୁ ଯାଉଛି। ଟିଭି ମାଧ୍ୟମରେ ପ୍ରଧାନମନ୍ତ୍ରୀ ମୋଦୀଙ୍କ ଯେଉଁ କାର୍ଯ୍ୟକ୍ରମକୁ ସାରା ଦେଶ ଅପେକ୍ଷା କରି ବସିଥିଲା ତାହା ଆଉ ମାତ୍ର କେଇ ମିନିଟ୍ ପରେ ପ୍ରସାରିତ ହେବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡିସ୍କଭରି ଚ୍ୟାନେଲର ମ୍ୟାନ୍ ଭର୍ସେସ୍ ୱାଇଲ୍ଡ ( ‘Man Vs Wild’)ର ଏକ ସ୍ୱତନ୍ତ୍ର ଏପିସୋଡରେ ସାମ୍ନାକୁ ଆସିବେ। ଯେଉଁଥିରେ ମୋଦି ବିପଦପୂର୍ଣ୍ଣ ଜଙ୍ଗଲରେ ବୁଲୁଥିବାର ନଜର ଆସିବେ। ଠିକ ରାତି ୯ଟାରେ ଏହା ଡିସକଭରି ଚ୍ୟାନେଲରେ ପ୍ରସାରିତ ହେବ। ଏହି କାର୍ଯ୍ୟକ୍ରମକୁ ବିଶ୍ୱର ଦୁଃସାହସିକ ଉପସ୍ଥାପକ ବେୟର୍ ଗ୍ରିଲ୍ସ୍ ପରିଚାଳନା କରିବେ। ଜିମ୍ କର୍ବେଟ୍ ଜାତୀୟ ଅଭୟାରଣ୍ୟରେ ଏହାକୁ ନିର୍ମାଣ କରାଯାଇଛି। ଏହି କାର୍ଯ୍ୟକ୍ରମରେ ଜଳବାୟୁ ପରିବର୍ତ୍ତନ ଓ ବନ୍ୟଜନ୍ତୁ ସଂରକ୍ଷଣ ଉପରେ ସଚେତନତା ସୃଷ୍ଟି କରାଯାଇଛି। ୧୮୦ରୁ ଅଧିକ ଦେଶରେ ଡିସ୍କଭରି ଚ୍ୟାନେଲରେ ଏହି କାର୍ଯ୍ୟକ୍ରମକୁ ଆଜି ରାତି ୯ଟାରେ ଦେଖିପାରିବେ।। କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦି ବନ୍ୟଜନ୍ତୁ ଏବଂ ଜୀବ ସଂରକ୍ଷଣ ପ୍ରସଙ୍ଗକୁ ନେଇ ମଧ୍ୟ ବେୟର୍ ଗ୍ରିଲ୍ସଙ୍କ ସହ ଆଲୋଚନା କିରୁଥିବାର ଦୃଶ୍ୟ ସାମ୍ନାକୁ ଆସିବ। ଏହା ପୂର୍ବରୁ ଆମେରିକାର ପୂର୍ବ ରାଷ୍ଟ୍ରପତି ବାରାକ୍ ଓବାମାଙ୍କୁ ବି ଘଞ୍ଚ ଜଙ୍ଗଲରେ ବେୟର୍ ଗ୍ରିଲ୍ସଙ୍କ ସହ ବୁଲୁଥିବାର ଦେଖାଯାଇଛି।
