କରୋନା ବିରୋଧରେ ଯୁଦ୍ଧ ଡାକରା ଦେଇଛି ଭାରତ। ଏହି ସମୟରେ ଆମେ କେହି ଏକା ନାହାନ୍ତି। ଆମେ ସମସ୍ତେ ଏକସାଥ୍ ହୋଇ ଯୁଦ୍ଧରେ ସାମିଲ ହୋଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆଜି ଭିଡିଓ ବାର୍ତ୍ତାରେ ଏଭଳି କିଛି ଆମେ ସମସ୍ତଙ୍କୁ ଅନୂଭବ ହୋଇଛି। ଏହାସହ ଆସନ୍ତା ରବିବାର ଅର୍ଥାତ ଏପ୍ରିଲ ୫ ରବିବାର ରାତି ୯ ଟା ସମୟରେ ୯ ମିନିଟ ପାଇଁ ମହମବତୀ, ଦୀପ କିମ୍ୱା ମୋବାଇଲ ଫ୍ଳାସ୍ ଲାଇଟ୍ ଲଗାଇବା ପାଇଁ ପିଏମ ମୋଦି ନିବେଦନ କରିଛନ୍ତି। ଘରର ଅନ୍ୟ ସମସ୍ତ ଲାଇଟକୁ ବନ୍ଦ କରି ଘର ଦ୍ୱାର ନିକଟରେ ଛିଡ଼ା ହୋଇ କିମ୍ୱାର ଘର ବାଲକୋନିରେ ଏକ ମହମବତୀ, ଟର୍ଚ୍ଚ ଲାଇଟ୍ କିମ୍ୱା ଫ୍ଳାସ୍ ଲାଇଟ୍ ଜାଳିବାକୁ ଅପିଲ୍ କରିଛନ୍ତି ପ୍ରଧାନମନ୍ତ୍ରୀ। ପ୍ରଧାନମନ୍ତ୍ରୀ କହିଛନ୍ତି, ‘ଯେତେବେଳେ ପ୍ରତ୍ୟେକ ବ୍ୟକ୍ତି ପ୍ରତ୍ୟେକ ସ୍ଥାନରେ ଗୋଟିଏ ଦୀପ ଜାଳିବେ, ସେତେବେଳେ ଆଲୋକର ସେହି ଶକ୍ତିର ଅନୁଭବ ହେବ, ଯେଉଁଥିରେ ଏହା ପ୍ରକାଶ ପାଇବ ଯେ ଆମେ ସମାନ ଉଦ୍ଦେଶ୍ୟରେ ମିଳିତ ଭାବେ ଯୁଦ୍ଧ କରୁଛୁ। ଏହି ଘଟଣା ସମୟରେ ସାମାଜିକ ଦୂରତାକୁ ମଧ୍ୟ ଗୁରୁତ୍ୱ ଦେଇଛନ୍ତି।