ବିଶ୍ବ ଟେଷ୍ଟ ଚାମ୍ପିୟନସିପର ଫାଇନାଲ ଓ ଇଂଲଣ୍ଡ ଗସ୍ତ ପାଇଁ ଭାରତୀୟ ଦଳ ଘୋଷଣା । ଭାରତୀୟ ଟେଷ୍ଟ ଦଳକୁ ରବିନ୍ଦ୍ର ଜାଦେଜା ଫେରିଛନ୍ତି । ଅଙ୍ଗୁଳିରେ ଆଘାତ କାରଣରୁ ଜାଦେଜା ଅଷ୍ଟ୍ରେଲିଆ ଗସ୍ତ ଅଧାରୁ ବାଦ ପଡ଼ିଥିଲେ । ଏହା ସହିତ ସେ ଇଂଲାଣ୍ଡ ବିପକ୍ଷ ଘରୋଇ ସିରିଜରୁ ମଧ୍ୟ ବାଦ ପଡ଼ିଥିଲେ । ତେବେ ଏବେ ସେ ଫିଟ୍ ଅଛନ୍ତି ଓ ଆଇପିଏଲରେ ସେ ଭଲ ପ୍ରଦର୍ଶନ କରିଥିବାରୁ ତାଙ୍କୁ ଦଳରେ ସାମିଲ କରାଯ଼ାଇଛି । ସେହିପରି ହନୁମା ବିହାରି ମଧ୍ୟ ଟିମକୁ ଫେରିଛନ୍ତି । ଦଳର ଓପନିଂ ଭାର
ରୋହିତ ଶର୍ମା, ଶୁଭମନ ଗିଲ ଓ ମୟଙ୍କ ଅଗ୍ରଓ୍ବାଲ ସମ୍ଭାଳିବେ । ସେହିପରି ଇଶାନ୍ତ ଶର୍ମା ଯ଼ଶପ୍ରୀତ ବୁମରା, ମହମ୍ମଦ ସମ୍ମୀ, ମହମ୍ମଦ ସିରାଜ, ଶାର୍ଦ୍ଦୁଲ ଠାକୁର ଓ ଉମେଶ ଯ଼ାଦବ ଦଳର ପେସ୍ ବୋଲିଂ ଭାର ସମ୍ଭାଳିବେ । ଆର. ଅଶ୍ବିନ ଓ ଅକ୍ଷର ପଟେଲ ସ୍ପିନ ଆକ୍ରମଣର ଭାର ସମ୍ଭାଳିବେ । ଜୁନ ୧୮ରୁ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ବିଶ୍ବ ଟେଷ୍ଟ ଚାମ୍ପିୟନସିପର ଫାଇନାଲ ଖେଳାଯ଼ିବ। ଏହା ପରେ ଭାରତ ଇଂଲଣ୍ଡ ସହ ୫ ଟିକିଆ ଟେଷ୍ଟ ସିରିଜ ଖେଳିବ ।