ରବିବାରରେ ଭାରତକୁ ମିଳିଛି ଡବଲ ମେଡାଲ। ଜି.ସାଥିଆନ୍ ଓ ଅର୍ଚ୍ଚନା କାମତା ଯୋଡି ମିକ୍ସ ଡବଲ୍ସରେ ଯୋଡି ସ୍ୱର୍ଣ୍ଣ ପଦକ ହାସଲ କରିଛନ୍ତି। ସିଙ୍ଗାପୁରର ପାଂଗ୍ ୟୁ ଏନ କୋଏନ୍ ଓ ଗୋଇରୁଇ ଜୁଆନଙ୍କୁ ୩-୦ ରେ ପରାସ୍ତ କରି ଭାରତୀୟ ଜୋଡ଼ି ଜି.ସାଥିଆନ୍ ଓ ଅର୍ଚ୍ଚନା କାମତା ଚାମ୍ପିୟନ ହୋଇଛନ୍ତି। କେବଳ ଏତିକି ନୁହେଁ ଏହି ଇଭେଣ୍ଟରେ ସିଙ୍ଗାପୁର ଯଦିଓ ସିଲଭର୍ ମେଡାଲ ଜିତିଛି ତେବେ ସ୍ୱର୍ଣ୍ଣ ପଦକ ସହ ବ୍ରୋଞ୍ଜ ପଦକ ମଧ୍ୟ ଭାରତ କବ୍ଜା କରିନେଇଛି। ହର୍ମିତ୍ ଦେସାଇ ଓ ଆହିକା ମୁଖାର୍ଜୀ ଏବଂ ଶରତ କମଲ ଓ ଶ୍ରୀଯା ଆକୁଲାଙ୍କୁ ବ୍ରୋଞ୍ଚ ମିଳିଛି। ସୋମବାର ଉଭୟ ପୁରୁଷ ଓ ମହିଳା ବର୍ଗରେ ସିଙ୍ଗଲ୍ସ ଓ ଡବଲ୍ସ ପାଇଁ କ୍ୱାର୍ଟର ଫାଇନାଲ, ସେମିଫାଇନାଲ ଓ ଫାଇନାଲ ମ୍ୟାଚ ଖେଳାଯିବ। ତେବେ ସନ୍ଧ୍ୟାରେ ପ୍ରତିଯୋଗିତା ଉଦଯାପିତ ହେବ। ଉଦଯାପନୀ ଉତ୍ସବ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗ ଦେବାର କାର୍ଯ୍ୟକ୍ରମ ରହିଛି।
