ଭୁବନେଶ୍ୱରରେ ପହଞ୍ଚିଲା ଜର୍ମାନୀ ମହିଳା ହକି ଟିମ୍ । fiH ପ୍ରୋ ଲିଗ ହକି ଖେଳିବା ପାଇଁ ଭୁବନେଶ୍ୱରରେ ପହଞ୍ଚିଛି ଜର୍ମାନୀ ମହିଳା ହକି ଟିମ୍। ଭୁବନେଶ୍ୱରରେ ପହଞ୍ଚିଲା ପରେ ମହିଳା ହକି ଟିମକୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି। ଆଜିଠାରୁ ଏହି ଟିମ୍ କଳିଙ୍ଗ ଷ୍ଟାଡ଼ିୟମରେ ଜୋରଦାର ଅଭ୍ୟାସ ଜାରି ରଖିବ। ଆସନ୍ତା 12 ଓ 13 ତାରିଖରେ ଜର୍ମାନୀ ଟିମ୍ ଘରୋଇ ଦଳ ଭାରତକୁ ଭେଟିବ। ଆସନ୍ତା ଶନିବାର ଓ ରବିବାର ସନ୍ଧ୍ୟା 5ଟାରେ ଏହି ମ୍ୟାଚ ଖେଳାଯିବ। fiH ପ୍ରୋ ଲିଗ ହକିର ପ୍ରାରମ୍ଭିକ ମ୍ୟାଚରେ ଜର୍ମାନୀ ବେଲଜିୟମ ବିପକ୍ଷରେ 2ଟି ମ୍ୟାଚ ଖେଳିଥିବା ବେଳେ ଦୁଇଟି ମ୍ୟାଚରେ ପରାସ୍ତ ହୋଇଥିଲା। ସେପଟେ ଭାରତ ଚାଇନା ବିପକ୍ଷରେ 2ଟି ମ୍ୟାଚରୁ ଦୁଇଟିରେ ବିଜୟ ହାସଲ କରିବା ସହ କଳିଙ୍ଗରେ ଖେଳାଯଇଥିବା ସ୍ପେନ ବିପକ୍ଷ ଦୁଇଟି ମ୍ୟାଚରୁ ଗୋଟିଏରେ ବିଜୟ ଓ ଗୋଟିଏରେ ପରାଜୟ ହୋଇଥିଲା। ଉଭୟ ଟିମ୍ ଚାହିଁରେ ଆଗାମୀ ମ୍ୟାଚରେ ଜିତି fiH ପ୍ରୋ ଲିଗ ହକିରେ ନିଜର ସ୍ଥିତି ଦୃଢ କରିବାକୁ।
