କରୋନା ଫ୍ରି ରାଜ୍ୟ ପାଲଟିଲା ଗୋଆ। କରୋନାକୁ ମାତ୍ ଦେବାରେ ଦେଶରେ ପ୍ରଥମ ରାଜ୍ୟ ହୋଇଛି ଗୋଆ। ଏହି ରାଜ୍ୟରେ ସମସ୍ତ କରୋନା ଭାଇରସ୍ ରୋଗୀ ସୁସ୍ଥ ହୋଇଛନ୍ତି। ରାଜ୍ୟରେ କରୋନା ମୋଟ୍ ସାତ ଜଣ କରୋନା ସଂକ୍ରମିତ ଚିହ୍ନଟ ହୋଇଥିଲେ। ପୂର୍ବରୁ ଛଅ ରୋଗୀସୁସ୍ଥ ହୋଇସାରିଥିଲେ। ଶେଷ ରୋଗୀ ଜଣକ ଆଜି ସୁସ୍ଥ ହସ୍ପିଟାଲରୁ ଡିସଚାର୍ଜ ହୋଇଛନ୍ତି। ମୁଖ୍ୟମନ୍ତ୍ରୀ ପ୍ରମୋଦ ସାଓ୍ଵନ୍ତ ଏହାର ସୂଚନା ଦେଇଛନ୍ତି। ସେ ଟୁଇଟ୍ କରିଛନ୍ତି ଯେ, ରାଜ୍ୟ ପାଇଁ ଏହା ଆଶ୍ଵସ୍ତିକର ଖବର।ଗୋଆର ଶେଷ ଆକ୍ରାନ୍ତଙ୍କ ଟେଷ୍ଟ ରିପୋର୍ଟ ନେଗେଟିଭ୍ ଆସିଛି। ଏଥିପାଇଁ ଡାକ୍ତର ଓ ସହାୟକ କର୍ମଚାରୀ ପ୍ରଶଂସାର ଯୋଗ୍ୟ। ଗୋଆରେ ଏପ୍ରିଲ ୩ ପରଠୁ କୌଣସି ବି କରୋନା ପଜିଟିଭ୍ ରିପୋର୍ଟ ଆସିନାହିଁ।