ତିନିଜଣଙ୍କୁ ବୀଭତ୍ସ ହତ୍ୟା କରିବା ସହ ଜଣେ ମହିଳାଙ୍କ ବେକ କାଟି କମିଶନରେଟ୍ ପୁୋଲିସର ନିଦ ହଜାଇ ଦେଇଥିବା ସିରିୟଲ୍ କିଲର ଏବେ ପୁଲିସ କବ୍ଜାରେ। ଦୀର୍ଘ ଦିନ ଧରି ସହରର ବିଭିନ୍ନ ସ୍ଥାନରେ ଜାଲ ବିଛାଇଥିବା କମିଶନରେଟ୍ ପୋଲିସ ଶେଷରେ ଆତତାୟୀକୁ ଧରିବାରେ ସଫଳ ହୋଇଛି। ଏହି ସିରିୟଲ୍ କିଲରର ନାଁ ନାରାୟଣ ସାହୁ ବୋଲି ପୋଲିସ କହିଛି। ଫିଲ୍ମ ଷ୍ଟାଇଲରେ ସେ ଲୋକଙ୍କୁ ମାରୁଥିବା ପୋଲିସ କହିଛି। ଫୁଟପାଥରେ ନିଦରେ ଶୋଇଥିବା ଲୋକଙ୍କୁ ଟାଙ୍ଗିଆରେ ବେକକୁ ହାଣି ହତ୍ୟା କରୁଥିଲା। ଆଉ ଆକ୍ରମଣର ଶିକାର ବ୍ୟକ୍ତି ଛଟପଟ ହୋଇ ମରୁଥିବା ଦେଖି ଘଟଣାସ୍ଥଳରେ ହସି ହସି ମଜା ନେଉଥିଲା ଏହି ସିରିଏଲ କିଲର୍ ।