ଆଜି ଜାତୀୟ କ୍ରୀଡ଼ା ଦିବସ। ଜାତୀୟ କ୍ରୀଡ଼ା ଦିବସରେ ଦୌଡ଼ରାଣୀ ଦୂତିଚାନ୍ଦଙ୍କୁ ପୁରସ୍କାର। କ୍ରୀଡା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଆଜିର ଦିନରେ ଦୌଡ଼ରାଣୀ ଦୁତିଚାନ୍ଦଙ୍କୁ ମିଳିଲା ଅର୍ଜୁନ ପୁରସ୍କାର। ଦୌଡ଼କୁଦରୁ ରାଜ୍ୟର ଦ୍ୱିତୀୟ ଓଡ଼ିଆ ଭାବେ ଦୂତି ଏହି ପୁରସ୍କାର ପାଇଛନ୍ତି। ପୂର୍ବରୁ ରାଜ୍ୟରୁ ଦୌଡ଼କୁଦରେ ରଚିତା ମିସ୍ତ୍ରୀ (ପଣ୍ଡା) ଅର୍ଜୁନ ପୁରସ୍କାର ପାଇଥିଲେ। କୋଲକାତା ସାଇ କେନ୍ଦ୍ର ଠାରେ ଅର୍ଜୁନ ପୁରସ୍କାର ଗ୍ରହଣ କରିଛନ୍ତି ଦେଶର ଦ୍ରୁତତମ ଧାବିକା ଦୂତି ଚାନ୍ଦ। ରାଷ୍ଟ୍ରପତି ରାମନାଥ କୋବିନ୍ଦଙ୍କ ଠାରୁ ଦୁତି ଏହି ପୁରସ୍କାର ଗ୍ରହାଣ କରିଛନ୍ତି। ନୂଆଦିଲ୍ଲୀ ରାଷ୍ଟ୍ରପତି ଭବନରୁ ଭର୍ଚୁଆଲ ମୋଡ୍ରେ ରାଷ୍ଟ୍ରପତି ଦୁତିଙ୍କୁ ଏହି ପୁରସ୍କାର ପ୍ରଦାନ କରିଛନ୍ତି।