ଶୁକ୍ରବାର ଭାରତ ପାଇଁ ସୁନା’ର ଦିନ। ଏହି ଦିନରେ ଭାରତ ରାଜ୍ୟଗୋଷ୍ଠୀ ଟେବୁଲ ଟେନିସରେ ଦଳଗତ ଇଭେଣ୍ଟରେ ଚାମ୍ପିୟନ ହୋଇଛି। ଉଭୟ ମହିଳା ଓ ପୁରୁଷ ବର୍ଗରେ ସ୍ୱର୍ଣ୍ଣ ପଦକ ଜିତି ଭାରତ ଏକ ନୂଆ ଇତିହାସ ସୃଷ୍ଟି କରିଛି। ପ୍ରଥମେ ଭାରତୀୟ ମହିଳା ଦଳ ଇଂଲଣ୍ଡକୁ ୩-୦ ଗୋଲରେ ହରାଇ ଚାମ୍ପିୟନ ହୋଇଥିବା ବେଳେ ପରେ ଭାରତୀୟ ପୁରୁଷ ଦଳ ଫାଇନାଲରେ ସେହି ଇଂଲଣ୍ଡ ପୁରୁଷ ଟିମକୁ ୩-୨ ଗୋଲରେ ହରାଇ ଚାମ୍ପିୟନ ହୋଇଛି। କଟକ ଇନଡୋର ଷ୍ଟାଡିୟମରେ ଚାଲିଥିବା ୨୧ ତମ ରାଜ୍ୟଗୋଷ୍ଠୀ ଟେବୁଲ ଟେନିସ ଚାମ୍ପିୟନସିପରେ ଭାରତୀୟ ମହିଳା ଓ ପୁରୁଷ ଦଳ ଚାମ୍ପିୟନ ହୋଇ ଭାରତ ପାଇଁ ବଡ ସଫଳତା ଆଣି ଦେଇଛନ୍ତି ।
