ପାଟକୁରା ନିର୍ବାଚନକୁ ଆଉ ଦିନକେଇଟା ବାକି । ବିଭିନ୍ନ ରାଜନୈତିକ ଦଳ ନିଜ ନିଜ ପ୍ରସ୍ତୁତି ଆରମ୍ଭ କରିଦେଇଛନ୍ତି। ପାଟକୁରାରେ ପ୍ରକୃତ ଲଢେଇ ବିଜେଡି ଓ ବିଜେପି ମଧ୍ୟରେ ହେଉଥିବା ବେଳେ କଂଗ୍ରେସ କିନ୍ତୁ ପାଣିଗୋଳିଆ କରିବା ଚକରରେ ରହିଛି। କଂଗ୍ରେସ ବରିଷ୍ଠ ନେତା ତାରା ବାହିନୀପତି କହିଛନ୍ତି, ପାଟକୁରାରେ ବିଜୟଙ୍କୁ ହରାଇବା ପାଇଁ ବିଜେପି ଓ ବିଜେଡି ମଧ୍ୟରେ ଡିଲ ହୋଇଛିା ସେଠାରେ ମ୍ୟାଚ ଫିକ୍ସିଂ ହୋଇଛି, ତେଣୁ ବିଜେଡି ପାଟକୁରାରେ ୨୫ ହଜାରରୁ ଅଧିକ ଭୋଟରେ ଜିତିବ। ତେଣୁ ବିଜୟ ମହାପାତ୍ର ବଲିକା ବକ୍ରା ବନିବେ । ସେପଟେ ବିଜୟ ମହାପାତ୍ର ଅତି ଚତୁରତାର ସହ ଉତ୍ତର ଦେଇଛନ୍ତିା ସେ କହିଛନ୍ତି, ବିଜେପିର ରାଜ୍ୟସଭା ପ୍ରାର୍ଥୀଙ୍କୁ ବିଜେଡି ସମର୍ଥନ କରିଥିଲା ତେଣୁ ବିଧାନସଭା ପ୍ରାର୍ଥୀକୁ ମଧ୍ୟ ବିଜେଡି ସମର୍ଥନ କରିବ। ପାଟକୁରରେ ଏଥର ସ୍ୱାଭିମାନର ଲଢେଇ ହେଉଛି । ପାଟକୁରାର ବିକାଶ କେବଳ ବିଜୟ ମହାପାତ୍ରଙ୍କ ଦ୍ୱାରା ସମ୍ଭବ। ସେପଟେ ବିଜେଡି କହିଛି ବେଦୁବାବୁଙ୍କ ଅଧୁରା ସ୍ୱପ୍ନକୁ ପୂରଣ କରିବା ପାଇଁ ତାଙ୍କ ପତ୍ନୀଙ୍କୁ ପାଟକୁରାବାସୀ ଭୋଟ ଦେବେ ।