ରାଜଧାନୀର କେନ୍ଦ୍ରସ୍ଥଳୀ ଚନ୍ଦ୍ରସେଖରପୁର ଅଞ୍ଚଳରେ ହାତୀ ଆତଙ୍କ। ବିଳମ୍ବିତ ରାତିରେ 3ଟି ହାତୀ ଶୈଳଶ୍ରୀ ବିହାର ଅଞ୍ଚଳରେ ତାଣ୍ଡବ ରଚିଛନ୍ତି। ଗତକାଲି ବିଳମ୍ବିତ ରାତିରେ ଶୈଳଶ୍ରୀ ବିହାର ସରସ୍ବତୀ ବସ୍ତିରେ ହାତୀପଲ ଘରଦ୍ୱାର ଭାଙ୍ଗିବା ସହ ବ୍ୟାପକ କ୍ଷୟତ୍ରତି କରିଛନ୍ତି। ଏହାସହ ହାତୀ ଆକ୍ରମଣରେ ଜଣେ ଆହତ ହୋଇଛନ୍ତି। ଚନ୍ଦାକା ଜଙ୍ଗଲରୁ ଏକ ଛୁଆ ହାତୀ ବାଟମଣା ହୋଇ ସରସ୍ବତୀ ବସ୍ତିକୁ ଚାଲି ଆସିଥିଲା । ଛୁଆକୁ ନେବାକୁ ପରେ ଦୁଇଟି ବଡ଼ ହାତୀ ସହର ଭିତରକୁ ଆସିଥିଲେ । ପରେ ସେମାନେ ବସ୍ତିରେ ଭଙ୍ଗାରୁଜା କରିବା ଆରମ୍ଭ କରି ଦେଇଥିଲେ । ଏପରିକି ଏକ ଅଟୋକୁ ହାତୀ ଓଲଟାଇ ଦେଇଥିଲେ । ଭୟରେ ଲୋକେ ଏଣେତେଣେ ଧାଇଁବାକୁ ଲାଗିଥିଲେ । ଖବର ପାଇ ବନ ବିଭାଗ କର୍ମଚାରୀ ବସ୍ତିରେ ପହଞ୍ଚି ଥିଲେ । ଏହାପରେ ହାତୀ ଘଉଡାଇବା ଆରମ୍ଭ ହୋଇଥିଲା । ଏଥିପାଇଁ ନବ କର୍ମଚାରୀଙ୍କୁ ନାକେଦମ ହେବାକୁ ପଡ଼ିଥିଲା । ଶେଷରେ ୩ ହାତୀଙ୍କୁ ଜଙ୍ଗଲକୁ ଘଉଡାଇବାକୁ ବନ ବିଭାଗ ସକ୍ଷମ ହୋଇଥିଲା ।