ପୁଣି କମିଲା ସୁନା ଦର। କ୍ରମାଗତ ୫ ଦିନ ପାଇଁ ଦେଶରେ ସୁନା ଦାମ ହ୍ରାସ ପାଇଛି। ଉଭୟ ୨୨ ଓ ୨୪ କ୍ୟାରେଟ ସୁନାର ଦାମ ହ୍ରାସ ପାଇଥିବା ବେଳେ ୧ କେଜି ରୂପାର ଦାମ ମଧ୍ୟ ଶସ୍ତା ହୋଇଛି। ବୁଧବାର ରାଜଧାନୀରେ ୧୦ ଗ୍ରାମ ୨୨ କ୍ୟାରେଟ ସୁନାର ଦାମ ୪୩,୭୫୦ ରହିଛି। ସେହିପରି ୨୪ କ୍ୟାରେଟ ସୁନାର ଦାମ ୪୭,୭୩୦ ରହିଛି। ବ୍ୟବସାୟୀଙ୍କ ମତରେ ବିଗତ ୮ ମାସ ମଧ୍ୟରେ ଆଜି ଉଭୟ ୨୨ ଓ ୨୪ କ୍ୟାରେଟ ସୁନାର ଦାମ ସବୁଠାରୁ ଶସ୍ତା ରହିଛି। ଆଗାମୀ ଦିନରେ ଆହୁରି ସୁନା ଓ ରୂପା ଦର କମିବ ବୋଲ କୁହାଯାଉଛି। ଗତବର୍ଷ ଅଗଷ୍ଟ ମାସରେ ୧୦ ଗ୍ରାମ ସୁନାର ଦାମ ୫୬,୨୦୦ ଟଙ୍କା ରହିଥିଲା।ଅନ୍ୟପକ୍ଷରେ ମଙ୍ଗଳବାର ୧ କେଜି ରୁପାର ଦାମ ୭୦,୨୦୦ ଟଙ୍କା ଥିବା ବେଳେ ଆଜି ୬୦୦ ଟଙ୍କା ଶସ୍ତା ହୋଇ ୬୯,୬୦୦ ଟଙ୍କାରେ ପହଞ୍ଚି ଯାଇଛି। ଭୁବନେଶ୍ୱରରେ ରୁପାର ୧ କେଜି ଦାମ ଆଜି ୭୩, ୬୦୦ ଟଙ୍କା ରହିଛି…