ବିଶ୍ୱ ଇତିହାସରେ କେବେ ଶୁଣିନଥିବେ କି ଦେଖି ନଥିବେ, ଜଣେ ଦେଶର ପ୍ରଧାନମନ୍ତ୍ରୀ ଅଳିଆ ବ୍ୟାଗକୁ କାନ୍ଧରେ ପକାଇ ସମୁଦ୍ର କୂଳରେ ଜରି ଗୋଟାଉଛନ୍ତି। ସ୍ୱଚ୍ଛତା ପାଇଁ ଏଭଳି କାମ ବିଶ୍ୱର ଅନ୍ୟତମ ଲୋକପ୍ରିୟ ନେତା ତଥା ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କରିଛନ୍ତି। ସ୍ୱଚ୍ଛ ଭାରତ ପାଇଁ ପ୍ରୟାସ କରୁଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶ ପାଇଁ ପୁଣି ଥରେ ଏକ ଉଦାହରଣ ସୃଷ୍ଟି କରଛିନ୍ତି। ପରିବେଶକୁ ସଫା ରଖିବା ନେଇ ପ୍ରତ୍ୟେକ ବ୍ୟକ୍ତିଙ୍କ ପାଇଁ ସେ ପ୍ରେରଣା ପାଲଟିଛନ୍ତି। ମାମଲାପୁରମର ସମୁଦ୍ର ବେଳାଭୂମିରେ ପ୍ରାତଃ ଭ୍ରମଣ କରିବା ସମୟରେ ପ୍ରଧାନମନ୍ତ୍ରୀ ଶନିବାର ୩୦ ମିନିଟରୁ ଉର୍ଦ୍ଧ୍ଵ ସମୟ ଧରି ଅଳିଆ ଓ ପ୍ଲାଷ୍ଟିକ ସଫା କରିଥିଲେ।
ଏଠି ଆମ ସମସ୍ତଙ୍କ ପାଇଁ ପ୍ରଶ୍ନ, ଯଦି ପ୍ରଧାନମନ୍ତ୍ରୀ ଏଭଳି କାମ କରିପାରିବେ ତେବେ ଆମେ କାହିଁକି ନୁହେଁ। ତେବେ ଓଡ଼ିଶା ମୁଖପତ୍ର ପକ୍ଷରୁ ଆପଣ ସମସ୍ତଙ୍କୁ ଅନୁରୋଧ, ସ୍ୱଚ୍ଛତା ପାଇଁ ଆପଣମାନେ ଆଗେଇ ଆସନ୍ତୁ। ଆଜିଠୁ ଦେଶକୁ ସଫା-ସୁତୁରା ରଖିବା ପାଇଁ କାମ କରିବା ଆଉ ଆମ ଦେଶ ପାଇଁ ଆମେ ଗର୍ବ କରିବା।