ଆର ପାରିରେ ବରିଷ୍ଠ ସାମ୍ବାଦିକ ଦିଲ୍ଲୀପ ଶତପଥୀ। ଗତକାଲି ବିଳମ୍ବିତ ରାତିରେ ସେ ଶେଷନିଶ୍ୱାସ ତ୍ୟାଗ କରିଛନ୍ତି। ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ତାଙ୍କର ପରଲୋକ ହୋଇଛି। ଦୀର୍ଘଦିନ ଧରି ସେ କ୍ୟାନସରରେ ପୀଡିତ ଥିଲେ। ବିଜନେସ ଷ୍ଟାଣ୍ଡାର୍ଡ ଓଡିଶାର ରେସିଡେଣ୍ଟ ଏଡିଟର୍ ଥିଲେ ଦିଲ୍ଲୀପ ଶତପଥୀ। ବିଭିନ୍ନ ଭାଷାରେ ପାରଙ୍ଗମ ଥିବା ଶ୍ରୀ ଦିଲ୍ଲୀପ ଶତପଥୀ ସାମ୍ବାଦିକତା କ୍ଷେତ୍ରରେ ଓଡ଼ିଶାରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଥିଲେ। ସାମ୍ବାଦିକତା କ୍ଷେତ୍ରରେ ଦିଲ୍ଲୀପଙ୍କ ଅବଦାନ ଅତୁଳନୀୟ। ତାଙ୍କ ଦେହାନ୍ତ ଖବର ପ୍ରଚାରିତ ହେବା ପରେ ବହୁ ବରିଷ୍ଠ ସାମ୍ବାଦିକ ହସ୍ପିଟାଲରେ ପହଞ୍ଚି ତାଙ୍କର ଶେଷ ଦର୍ଶନ କରିଥିଲେ। କଟକ ରେଭେନ୍ସା କଲେଜରେ ଶିକ୍ଷା ଗ୍ରହଣ କରିଥିଲେ ଶ୍ରୀ ଶତପଥୀ। ଅର୍ଥନୀତି ଓ ବ୍ୟବସାୟ ସାମ୍ବାଦିକତା କ୍ଷେତ୍ରରେ ତାଙ୍କର ଗଭୀର ଦକ୍ଷତା ଥିଲା। ତାଙ୍କ ବିୟୋଗରେ ସାମ୍ବାଦିକମହଲରେ ଶୋକର ଛାୟା ଖେଳିଯାଇଛି।