କିଛି ଦିନର ନିରବତା ପରେ ପୁଣି ରାଜଧାନୀରେ ମାତିଲେ ଅପରାଧୀ। ରବିବାର ସନ୍ଧ୍ୟାରେ ରାଜଧାନୀରେ ଦେଖିବାକୁ ମିଳିଛି ବୋମାମାଡ। ରବି ଟକିଜ୍ ଅଞ୍ଚଳରେ ଏକ ଅଟୋ ଉପରକୁ ଦୁର୍ବୃତ୍ତମାନେ ବୋମାମାଡ଼ କରି ଫେରାର ହୋଇଯାଇଛନ୍ତି। ଫଳରେ ଜଣେ ବ୍ୟକ୍ତି ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଘଟଣାସ୍ଥଳରେ ବଡ଼ଗଡ଼ ପୋଲିସ ପହଞ୍ଚି ଛାନଭିନ୍ ଆରମ୍ଭ କରିଛି। ସେପଟେ ରାଜଧାନୀରେ ଏହି ବୋମାମାଡ଼ ନୂଆ କମିଶନରଙ୍କ ପାଇଁ ଚ୍ୟାଲେଞ୍ଜ ସୃଷ୍ଟି କରିଛି। କିଛି ଦିନ ପୂର୍ବେ ରାଜଧାନୀରେ ଅପରାଧର ଚେର ଲମ୍ବାଇଥିବା ଅପରାଧୀଙ୍କୁ ଖୋଜି ବାହର କରିବା ସହ କେତେକ ସ୍ଥାନରେ ଏନ୍କାଉଣ୍ଟର କରିଥିଲା କମିଶନରେଟ୍ ପୋଲିସ। ତେବେ ପାର୍ବଣ ଋତୁ ଆଗରୁ ଥିବାରୁ ରାଜଧାନୀର ଅପରାଧୀଙ୍କ ଏଭଳି ଆତଙ୍କରାଜ ପୁଲିସ ପାଇଁ ବଡ଼ ଚ୍ୟାଲେଞ୍ଜ ସୃଷ୍ଟି କରିଛି।