ଆଇଏଏସ ପରେ ଏବେ ଆଇପିଏସ୍ ସ୍ତରରେ ବଡ଼ ଧରଣର ଅଦଳ ବଦଳ କରାଯାଇଛି। କଟକ-ଭୁବନେଶ୍ଵର ପୋଲିସ କମିଶନରଙ୍କୁ ବଦଳାଯାଇଛି। ସତ୍ୟଜିତ ମହାନ୍ତିଙ୍କ ସ୍ଥାନରେ ଡ.ସୁଧାଂଶୁ ଷଡ଼ଙ୍ଗୀଙ୍କୁ ନୂତନ ପୋଲିସ କମିଶନର ଭାବେ ନିଯୁକ୍ତ କରାଯାଇଛି। ସତ୍ୟଜିତଙ୍କୁ ଜେଲ୍ ବିଭାଗ ଏଡିଜି ଦାୟିତ୍ଵ ଦିଆଯାଇଛି।
ସେହିପରି ଆରପି କୋଚେଙ୍କୁ ଏଡିଜି ଆଇନ ଶୃଙ୍ଖଳା ଦାୟିତ୍ଵ ଦିଆଯାଇଥିବା ବେଳେ କେନ୍ଦ୍ରାଞ୍ଚଳ ଆଇଜି ଭାବେ ଆଶିଷ କୁମାର ସିଂହ, ଦକ୍ଷିଣାଞ୍ଚଳ ଆଇଜି ଭାବେ ସତ୍ୟବ୍ରତ ଭୋଇ, ଉତ୍ତରାଞ୍ଚଳ ଆଇଜି ଭାବେ ହିମାଂଶୁ ଲାଲ, ଦକ୍ଷିଣ-ପଶ୍ଚିମାଞ୍ଚଳ ଡିଆଇଜି ଭାବେ ସୈଫିନ ଅହମ୍ମଦ କେ’ଙ୍କୁ ଏବଂ ଦିପ୍ତେଶ ପଟ୍ଟନାୟକଙ୍କୁ ପୂର୍ବାଞ୍ଚଳ ଆଇଜି ରୂପେ ରାଜ୍ୟସରକାର ନିଯୁକ୍ତ କରିଛନ୍ତି। ସେପଟେ ଅମିତେନ୍ଦ୍ରନାଥ ସିହ୍ନାଙ୍କୁ କ୍ରାଇମବ୍ରାଞ୍ଚ ଡିଆଇଜି, ମହେନ୍ଦ୍ର ପ୍ରତାପଙ୍କୁ ପ୍ରିଣ୍ଟିଂ ପ୍ରେସ୍ ଆଣ୍ଡ ଷ୍ଟେସନାରୀ ନିର୍ଦ୍ଦେଶକ, ସଞ୍ଜୀବ ପଣ୍ଡାଙ୍କୁ ପରିବହନ କମିଶନର, ରାଜେଶ କୁମାରଙ୍କୁ ଏସିଆରବି ନିର୍ଦ୍ଦେଶକ, ସୌମେନ୍ଦ୍ର କୁମାର ପ୍ରିୟଦର୍ଶୀଙ୍କୁ ଆଇଜି ପର୍ସୋନାଲ, ଘନଶ୍ୟାମ ଉପାଧ୍ୟାୟଙ୍କୁ ଇଓଡବ୍ଲ୍ୟୁ, ଏନବି ଭାରତୀଙ୍କୁ ଏଚଆରପିସି, ଅମିତାଭ ଠାକୁରଙ୍କୁ ଆଇଜି ଅପରେସନ ଭାବେ ରାଜ୍ୟ ସରକାର ନିଯୁକ୍ତ କରିଛନ୍ତି।
