ଭାରତ-ପାକ ସୀମା ନିକଟରେ ପାକିସ୍ତାନ ସେନା ଠୁଳ ହେବା ସୂଚନା ଆସିଛି। ପାକିସ୍ତାନୀ ସେନା ଅସ୍ତ୍ରଶସ୍ତ୍ର ସହ ନିୟନ୍ତ୍ରଣ ରେଖା ଏଲ୍ଓସି ଅଭିମୁଖେ ଅଗ୍ରସର ହେଉଥିବା ଖବର ଏବେ ପାକିସ୍ତାନର ମିଡିଆରୁ ଜଣା ପଡିଛି। ଜମ୍ମୁ-କଶ୍ମୀର ପ୍ରସଙ୍ଗରେ ଭାରତର ନିଷ୍ପତ୍ତିକୁ ପାକିସ୍ତାନ ବିରୋଧ କରିଆସୁଛି। ଭାରତର ନିଷ୍ପତ୍ତିରେ ବ୍ୟତିବ୍ୟସ୍ତ ହୋଇପଡିଛି ପାକିସ୍ତାନ। ଭୟଭୀତ ହୋଇ ପାକିସ୍ତାନ ଲଦାଖ ନିକଟରେ ନିଜର ଯୁଦ୍ଧ ବିମାନ ମୁତୟନ କରିବା ଆରମ୍ଭ କରିଦେଇଛି। ଏପର୍ଯ୍ୟନ୍ତ ଟ୍ରେନ୍ ଓ ବସ୍ ସେବା ବନ୍ଦ କରିଥିବା ପାକିସ୍ତାନ ଏବେ ପୁଣି ଏକ କୁଟନୀତି ପ୍ରୟୋଗ କରିବାକୁ ଯାଉଛି। ଲଦାଖ ନିକଟରେ ଥିବା ପାକିସ୍ତାନର ଏୟାରବେସ୍ରେ ଏବେ ସେ ଯୁଦ୍ଧ ବିମାନ ମୁତୟନ କରିବା ଆରମ୍ଭ କରିଦେଇଛି। ପାକିସ୍ତାନ ମିଡିଆ ସୂଚନା ଅନୁଯାୟୀ, ସୀମାରେ ମଧ୍ୟ ପାକିସ୍ତାନ ତା’ର ସେନା ସଂଖ୍ୟାରେ ବୃଦ୍ଧି କରିଛି। ଏପଟେ ଭାରତର ଗୁଇନ୍ଦା ବିଭାଗ ପାକିସ୍ତାନର ପ୍ରତିଟି କାର୍ଯ୍ୟକଳାପ ଉପରେ ତୀକ୍ଷ୍ଣ ନଜର ରଖିବା ସହ ସବୁ ପରିସ୍ଥିତିର ସାମ୍ନା କରିବାକୁ ସେନା ପ୍ରସ୍ତୁତ ରହିଛି।