ମଇଦାନରେ ଦେଖିବାକୁ ମିଳିଲା ରିଅଲ ଫାଇଟ। କାର୍ଯ୍ୟବ୍ୟସ୍ତତାରୁ ଟିକିଏ ଫୁରୁସତ ପାଇ ଫୁଟବଲ ଖେଳିଲେ ନେତା,ମନ୍ତ୍ରୀ, ଅଧିକାରୀ ଓ ସାମ୍ବାଦିକ। ଟାଟା ଷ୍ଟିଲ ବନ୍ଧୁତ୍ୱପୂର୍ଣ୍ଣ ଫୁଟବଲ ପ୍ରତିଯୋଗିତା ଆଜି ଭୁବନେଶ୍ୱର କଳିଙ୍ଗ ଷ୍ଟାଡିୟମ ପରିସରରେ ଅନୁଷ୍ଠିତ ହୋଇଯାଇଛି। ଏହି ଏକଦିବସୀୟ ଫୁଟବଲ ଟୁର୍ଣ୍ଣାମେଣ୍ଟରେ ମିଡିଆ ଇଲେଭେନ, ଲିଡର୍ସ ଇଲେଭେନ, ବ୍ୟୁରୋକ୍ରାଟ୍ସ ଇଲେଭେନ ଓ ଟାଟା ଷ୍ଟିଲ୍ ଇଲେଭେନ ଅଶଂଗ୍ରହଣ କରିଥିଲେ। ଫାଇନାଲ୍ ମୁକାବିଲା ଟାଟା ଷ୍ଟିଲ୍ ଏବଂ ଲିଡର୍ସ ଇଲେଭେନ ମଧ୍ୟରେ ଖେଳାଯାଇଥିଲା। ଏହି ପ୍ରତିଯୋଗିତାର ଫାଇନାଲ ମ୍ୟାଚରେ ଲିଡର୍ସ ଇଲେଭେନଙ୍କୁ 3-0 ଗୋଲରେ ହରାଇ ଟାଟା ଷ୍ଟିଲ ଚାମ୍ପିୟନ ହୋଇଛି।
ପୂର୍ବରୁ ଖେଳାଯାଇଥିବା ପ୍ରଥମ ସେମିଫାଇନାଲ୍ ମ୍ୟାଚରେ ଲିଡର୍ସ ଇଲେଭେନ୍ ୩-୨ ଗୋଲରେ ମିଡିଆ ଏକାଦଶକୁ ହରାଇଥିବା ବେଳେ ଦ୍ୱିତୀୟ ସେମି ଫାଇନାଲ ମ୍ୟାଚରେ ଟାଟା ଷ୍ଟିଲ୍ ଇଲେଭେନ୍ ୧-୦ରେ ବ୍ୟୁରୋକ୍ରାଟ୍ସକୁ ପରାସ୍ତ କରି ଫାଇନାଲରେ ପହଞ୍ଚିଥିଲା। ପୋଲିସ, ନେତା ସାମ୍ବାଦିକ ଓ ଅଫିସରଙ୍କ ମଧ୍ୟରେ ଭାଇଚାରା ସୃଷ୍ଟି ନେଇ ଏଭଳି ବନ୍ଧୁତ୍ୱପୂର୍ଣ୍ଣ ପ୍ରତିଯୋଗିତା ଟାଟା ଷ୍ଟିଲ୍ ପକ୍ଷରୁ ଦୀର୍ଘ ବର୍ଷ ଧରି କରାଯାଉଛି।
